Turistët përdorin transport publik: Kushton më lirë dhe jemi më të sigurt

“Turistët e huaj janë të shumtë në terminalin e veriut dhe jugut, të cilët përdorin autobusët, për të shkuar në qytetet që duan të vizitojnë. Destinacionet e tyre për të pushuar janë të ndryshme.”

“Jam nga Anglia. Tani po shkojmë në Durrës. Jemi një grup miqsh, po kalojmë shumë bukur, po e shijojmë. Për të gjithë ne është hera e parë në Shqipëri.”

“Jam nga Gjermania, po shkoj në Berat, është destinacioni im i radhës. Erdha 4 ditë më parë dhe do të qëndroj dy javë. Më pëlqen shumë Shqipëria.”

“Sapo mbërrita në Shqipëria nga Belgjika. Do të iki në Sarandë. Kam miq shqiptarë që ma kanë sugjeruar vendi tuaj.”

“Jam nga Zelanda e Re. Erdha në Shqipëria, pasi vizitova fillimisht Maqedoninë e Veriut, isha në Ohër disa ditë. Tani jam duke ikur në Sarandë. Shqipëria po më pëlqen. Në Tiranë pashë që të gjithë pinin kafe. Edhe ne në Zelandë e pëlqejmë kafen.”

Të huajt thonë se zgjedhin të udhëtojnë me autobus për shkak se është më lirë, por edhe se ndihen më të sigurt.

“Preferuam autobusin për të shkuar në Durrës sepse është më mirë, bileta kushtonte shumë pak.”

“Zgjodha të udhëtoj me autobus sepse është më lirë, por në këtë mënyrë e shijoj edhe më shumë udhëtimin.”

“Do të udhëtojmë drejt Sarandës. Transporti publik kushton pak dhe është më e mira për ne.”

“Zgjodha të udhëtoj duke përdorur transportin publik sepse është më këndshëm. Ndihem më mirë me autobus.”

“Sapo mbërrita në Shqipëri nga Norvegjia. Do të udhëtoj drejt jugut, fillimisht me autobus në Sarandë më pas në  Ksamil. Është më lirë dhe më e thjeshtë për ne të përdorim autobusin për të udhëtuar. Është edhe më i sigurt pse jo. Do të qëndrojmë 2 javë këtu.”

Pritet që linjat e transportit ndërqytetas të dixhitalizohen, me qëllim që të huajt ta kenë më të lehtë aksesin për t’i përdorur.”