Skema 3D, si ndodhi aksidenti tragjik në Kamëz

12 Gusht 2018 - Gazeta Shqiptare

Skema 3D, si ndodhi aksidenti tragjik në Kamëz

Një aksident i rëndë ka tronditur kryeqytetin mëngjesin e sotëm, ku një 29-vjeçare ka përplasur për vdekje një të ri e më pas ka marrë para nënën me dy vajza të mitura.

"BalkanWeb" sjell rindërtimin e ngjarjes në 3D referuar dhe ekspertëve të policisë rrugore, duke dhënë një panoramë të qartë se si ndodhi aksidenti tragjik.

Mësohet se e reja Rozina Koleci ka humbur kontrollin e makinës teksa lëvizte me drejtim nga Tirana drejt urës së Institutit dhe fillimisht ka marrë para 29-vjeçarin Ramazan Isha që lëvizte me biçikletë dhe më pas ka kaluar bordurën ndarëse mes korsive duke përplasur nënën me dy fëmijët e mitur. I riu ka humbur jetën në çast dhe pak minuta pas tij edhe një prej vajzave të mitura, 7-vjeçarja E.N.

Nuk dihet ende se çfarë ka ndodhur me drejtuesen e automjetit që ka shkaktuar humbjen e kontrollit, ndërsa është ndaluar nga policia, por ende nuk është marrë dëshmia e saj për shkak të gjendjes së rënduar në të cilën ndodhet.

Nëna Valbona Ndreu me vajzën tjetër ndodhen në spital, ku 6-vjeçarja i është nënshtruar një ndërhyrjeje kirurgjikale. Të dyja fatmirësisht janë jashtë rrezikut për jetën.

Aksidenti tragjik me dy të vdekur, lajme të mira nga nëna dhe motra 6 vjeçe që u përplasën nga makina

Rozina Koleci, drejtuesja që përplasi për vdekje 29-vjeçarin Ramazan Isha dhe një vajzë 7-vjeçare , dyshohet se ngatërroi kthesën dhe u fut me shpejtësi në krahun tjetër duke u ndalur vetëm pas përplasjes me dy furgona që vinin në krah të kundërt. Automjeti lëvizte me drejtim nga Tirana drejt Kamzës kur devijoi nga rruga në krahun e majtë.

Ajo humbi kontrollin duke aksidentuar për vdekje fillimisht 29-vjeçarin Ramazan Isha, i cili ishte duke lëvizur me biçikletë. Ai ndërroi jetë më vonë në spital si pasojë e plagëve të marra.

Më pas automjeti kaloi mbi trotuar duke lënë të vdekur edhe vajzën 7 vjeç, që ishte me nënën dhe motrën. Valbona Ndreu ndodhet në remimancion, ndërsa vajza tjetër e ka kaluar rrezikun për jetën.

Mjeket e Spitalit të Traumës në Tiranë thanë se nëna dhe vajza e mitur kanë reaguar pozitivisht. Pas ekzaminimeve që i janë bërë, pritet që vajza e mitur 6 vjeçe t’i nënshtrohet një ndërhyrje kirurgjikale ndërkohë që Valbona Ndreu për momentin nuk duket se do të ketë nevoje për operacion.

Shiteni Makinën Tuaj