Makina përplas motorin në Tiranë, plagosen dy vëllezër

9 muaj, 1 javë më parë - 4 Korrik 2023, opinion
Makina përplas motorin në Tiranë, plagosen dy vëllezër
Një aksident është regjistruar mbrëmjen e sotme në afërsi të Teg-ut në Tiranë.

Policia bën me dije se një automjet me drejtues shtetasin F. H., është përplasur me një motor me drejtues shtetasin K. J.

Si pasojë e përplasjes kanë mbetur të plagosur shtetasit K. J., 26 vjeç dhe vëllai i tij, shtetasi R. J., 18 vjeç, të cilët ndodhen në spital, nën kujdesin e mjekëve.

Ndërkohë, grupi hetimor po punon për sqarimin e rrethanave të aksidentit.

Përfshihet nga flakët makina te ish-kompleksi Dinamo në Tiranë

Një automjet është përfshirë nga flakët këtë të hënë në Tiranë. Mësohet se ngjarja ka ndodhur para ish-kompleksit Dinamo në kryeqytet.

Sikurse shfaqet në foto, mjeti është përfshirë i gjithi në flakë.

Nuk dihen motivet e zjarrit, ndërsa policia ndodhet në vendin e ngjarjes.

U përplas me autobusin, arrestohet shoferi i motorit, drejtonte mjetin në sens të kundërt

Policia ka arrestuar drejtuesin e nje motomjeti, i cili u përfshi në një aksident ditën e djeshme me një autobus të Unazës.

Uniformat blu bëjnë me dije se shtetasi H. Gj., po drejtonte motomjetin e tij pa leje drejtimi dhe në sens të kundërt me lëvizjen, kur u përplas me autobusin.  Si pasojë u lëndua një i mitur 12 vjeçar, pasagjer në motomjet, i cili ndodhet jashtë rrezikut për jetën

“U arrestua shtetasi H. Gj., banues në Tiranë, pasi në rrugën “5 Maji”, duke drejtuar motomjetin e tij pa leje drejtimi dhe në sens të kundërt me lëvizjen, është përplasur me autobusin me drejtues shtetasin P. F. Si pasojë është dëmtuar një i mitur 12 vjeç, (pasagjer në motomjet), i cili ndodhet jashtë rrezikut për jetën”, njofton policia.

Support Ukraine