Shpërthimi në Sarandë, ndërron jetë polumbari

Policia raporton se ngjarja ka ndodhur në afërsi të Portit në qytetin e Sarandës, ndërkohë që polumbari që humbi jetën është ende i paindentifikuar.

Bombula e oksigjenit dyshohet se ka shpërthyer aksidentalisht gjatë zhytjes në det.

 Grupi hetimor po punon për zbardhjen e rrethanave të ngjarjes.

Njoftimi i policisë:

Sarandë/Informacion paraprak

Sot, në afërsi të Portit Detar të Sarandës, një polumbari ende të paidentifikuar, dyshohet se i ka shpërthyer aksidentalisht gjatë zhytjes në det bombula e oksigjenit, ku për pasojë ka humbur jetën.

Grupi hetimor ndodhet në vendngjarje dhe po punon për zbardhjen e plotë të rrethanave të ngjarjes, si dhe për identifikimin e shtetasit që ka ndërruar jetë.

Shpërthim i fuqishëm në Portin e Sarandës, plagoset një person

Një shpërthim i fuqishëm ka ndodhur mbrëmjen e sotme në portin e Sarandës.

Dyshohet se në një anije ka shpërthyer bombola e oksigjenit të një personi që do kryente zhytje, i cili është plagosur.

Raportohet se në anije kanë qenë dy persona, ku njëri prej tyre është plagosur rëndë dhe është transportuar për në spital.

Policia dhe ambulanca kanë shkuar në vendngjarje, ndërsa ende nuk bëhen të ditura detaje nga shpërthimi.