Rrugorja me “dorë të hekurt”/ 42 drejtues mjetesh në pranga e procedim. Bllokohen…

Ky është plani i masave që po ndërmerr Policia Rrugore në Tiranë, ku në fokus të kontrolleve kanë qenë:Ky është plani i masave që po ndërmerr Policia Rrugore në Tiranë, ku në fokus të kontrolleve kanë qenë:

• Parkimet e gabuara që pengojnë qarkullimin në korsitë e biçikletave apo të mjeteve ndihmëse;
• Lëvizja jashtë korsive të dedikuara, me patina elektrike;
• Shtetasit që drejtojnë motomjete, pa kaskë mbrojtëse;
• Konstatimi i drejtimit të mjetit, në efektin e alkoolit;
• Konstatimi i mosrespektimit të sinjalistikës rrugore.

Si rezultat i monitorimit të pandërprerë, sipas policisë rrugore 42 drejtues automjetesh u arrestuan ose u proceduan penalisht. Nga ana tjetër 28 automjete u bllokuan për shkelje të ndryshme të Kodit Rrugor.

“Respektoni rregullat e qarkullimit rrugor! Ato janë në funksion të jetës suaj dhe të të tjerëve. Bashkëpunoni me Policinë Rrugore, duke denoncuar çdo rast të rrezikshëm, përmes kanaleve zyrtare. Denonco çdo shkelje që rrezikon jetën! Heshtja është bashkëfajësi. Siguria në rrugë, përgjegjësi e përbashkët”, thuhet në njoftimin e Policisë Rrugore në Tiranë.