Reshjet sjellin sërish përmbytje, rrugët ‘fundosen’ pas 30 minutash shi
Reshjet e shiut kanë nisur sërish në mbrëmjen e së shtunës dhe ka mjaftuar jo më shumë se 30 minuta që gjendja në disa qytete të bëhet problematike.
Raportohet se situata është vështirësuar në qytetin e Vlorës ku rrugët e lagjes Pavarësia në qendër të qytetit, kryesisht ato që lidhin aksin e Trasballkanikes me Bulevardin Vlorë – Skelë janë plotësisht nën ujë. Rrugët janë bërë të pakalueshme edhe në zonën e portit dhe në lagjen “28 Nëntori”.
Ndërkaq situata paraqitet e njëjtë edhe në qytetin e Sarandës ku në disa rrugë është i pamundur kalimi si pasojë e nivelit të lartë të ujit.
