Policia gjobit mbi 20 mijë drejtues mjetesh, 42 të arrestuar
Policia ka forcuar masat në terren për shkak të numrit të lartë të turistësve dhe ka gjobitur mbi 20 mijë shkelës të rregullave të qarkullimit.
Uniformat blu bëjnë me dije se janë arrestuar 42 persona dhe janë pezulluar 114 leje drejtimi.
”Shërbimet e Policisë Rrugore, vijojnë monitorimin intensiv të qarkullimit në të gjtiha akset rrugore nacionale, urbane dhe rurale, me qëllim parandalimin e aksidenteve rrugore.
Monitorimi po kryhet me mjete inteligjente shpejtësimatëse, poliskanë dhe radarë automatikë, si dhe dronë të cilësisë së lartë, dragera dhe së fundi dhe teleskopë për të evidentuar përdoruesit e celularit dhe shkelësit e rregullave të tjera të qarkullimit.
Si rezultat, gjatë kësaj jave:
- janë pezulluar 114 leje drejtimi, për shpejtësi mbi normat e lejuara, për drejtim të mjetit në efektin e alkoolit/në gjendje të dehur dhe për qarkullim në sens të kundërt;
- janë arrestuar 42 drejtues mjetesh, nga këta 29 për drejtim mjeti në gjendje të dehur dhe 13 për drejtim të mjetit pa leje drejtimi.
Gjithashtu, në të gjithë vendin janë vënë 27 191 masa administrative, nga këto:
- 7333 për shpejtësi tej normave të lejuara;
- 1713 për përdorim të celularit, gjatë drejtimit të mjetit;
- 1440 për mospërdorim të rripit të sigurimit;
- 3143 për parakalime të gabuara;
- 876 për mosvendosje të kaskës mbrojtëse;
- 256 për manovra të rrezikshme në rrugë;
- 298 për drejtim të mjetit, në efektin e alkoolit;
- 10009 për parkim të gabuar;
- 2123 për shkelje të tjera”, njofton policia.
Lajmet përkatëse
