Mori një makinë përmes mashtrimit në Shkodër, kapet 22 vjeçari

10 muaj më parë - 26 Prill 2023, abcnews
Mori një makinë përmes mashtrimit në Shkodër, kapet 22 vjeçari
Një 22 vjeçar është vënë në prangat e policisë së Shkodrës, pasi akuzohet se ka marrë një makinë.

Sipas policisë mësohet se shtetasi E.S., 22 vjeç ishte shpallur në kërkim pasi i ka marrë me qira një automjet, shtetasit F. M., ka bërë vetëm një pjesë të pagesës dhe më pas nuk e ka kthyer automjetin siç parashikohej në marrëveshjen me shtetasin F. M.

Në bashkëpunim me Policinë e Tiranës, është gjetur automjeti që kishte marrë 22-vjeçari.

“Ishte shpallur në kërkim pasi i mori një automjet, një shtetasi, me anë të mashtrimit, kapet dhe vihet në pranga 22-vjeçari.

Gjendet, në bashkëpunim me Policinë e Tiranës, automjeti që kishte marrë 22-vjeçari.

Specialistët për Hetimin e Krimeve të Komisariatit të Policisë Malësi e Madhe, në vijim të punës për kapjen e shtetasve në kërkim, kanë kapur dhe ndaluar shtetasin E. S., 22 vjeç, banues në fshatin Dobraç, Shkodër, i shpallur në kërkim për veprën penale “Mashtrimi”. 

Ky shtetas ishte shpallur në kërkim pasi i ka marrë me qira një automjet, shtetasit F. M., ka bërë vetëm një pjesë të pagesës dhe më pas nuk e ka kthyer automjetin siç parashikohej në marrëveshjen me shtetasin F. M. 

Si rezultat i bashkëpunimit me Policinë e Tiranës, është gjetur automjeti që kishte marrë 22-vjeçari”, thuhet në njoftimin e policisë.

Support Ukraine