Kontrolle rrugore në Shkodër/ Gjoba deri në 12 mijë lekë për shkelje të rregullave të qarkullimit
Si rezultat i monitorimeve të pandërprera në akset rrugore, duke përdorur edhe dronë, janë konstatuar shkelje të rregullave të qarkullimit, të cilat përbëjnë burim të lartë rreziku për përfshirje në ngjarje rrugore.
Gjatë monitorimit me dron, në aksin rrugor “ Shkodër - Hani i Hotit”, u konstatuan shumë drejtues automjetesh duke kryer parakalime të rrezikshme.
Drejtuesit e automjeteve u ndëshkuan me masa administrative që variojnë nga 5.000 deri në 12.000 lekë.
Policia Rrugore e Shkodrës apelon për të gjithë drejtuesit e mjeteve që të zbatojnë me rigorozitet rregullat e qarkullimit rrugor, të mos kryejnë parakalime të gabuara, të mos përdorin celularin gjatë drejtimit të mjetit dhe të mos drejtojnë mjetin nën efektin e alkoolit apo në gjendje të dehur.
Lajmet përkatëse
