“Ja këndoj këngën dhe nuk ma ndjen për asnjë” -Zbardhen bisedat e Ballukut me Ervis Berberin! Ministrja e Infrastrukturës: Mbylleni sot me urgjencë! Si u manipulua tenderi për Llogaranë

Në dosjen janë mesazhet e shkëmbyera midis ministres së Infrastrukturës dhe Energjisë, Belinda Balluku, dhe bashkëpunëtorit të saj, Evis Berberi.

Në biseda mes Ballukut dhe Berberit sqarohet se si manipulohej tenderi për Tunelin e Llogarasë, që më pas iu dha kompanisë turke, me një ofertë 50 mln euro më shtrenjt se ajo e kompanisë “Gjoka”.

Pjese nga dosja:

Belinda Balluku:“Hajde”.

Në orën 11:45, Evis Berberi:“Erdha”.

Në orën 11:49, Belinda Balluku: “Hajde se u cтепа Viola eshte komplet pa memorie”. Në orën 11:50, Evis Berberi: “Erdhaa”.
Në orën 13:50, Evis Berberi:“Me tha Arta ta takoj se kishte folur me ty”.
Në orën 13:56-13:57, Belinda Balluku:“Nuk besoj qe do shtoj gje, po nje sy tjeter nuk eshte keq Komplet pa memorie, zero Se viola me la pa fjale Sikur nuk ishte dje me ju”.
Në orën 13:57, Evis Berberi: “Ok”.

Në orën 14:25, Evis Berberi: “Takova Arten po se kuptova se I gjithe diskutimi ishte kur do e nxirrni vendimin”.
Në orën 14:42, Evis Berberi:“Kur duhet te dale?”.
Në orën 17:40, Belinda Balluku:“Mendoj ta anullojme Skualifikoji te gjithe”.
Në orën 17:43, Evis Berberi:“Jam mese dakort. Se kam diçka qe sme kuadron ne gjithe situaten Kur e do sot apo neser Mgjth nese te duhet ja kendoj kengen sma ndjen shume per asnje dhe e çoj ku duheť”.
Në orën 17:50, Belinda Balluku:“Jo jo Kam ate ndjesine time qe nuk duheť”.
Në orën 17:51, Evis Berberi:“E ke te frikshme ndjesine. Kur e do”.
Në orën 17:56, Belinda Balluku:“Me jep afatet nese e shpallim neser”.
Në orën 18:01, Evis Berberi:“Max 24 mars ankimimi ne MIE ne 25 I kthejme pergjigje. Max 4 prill ankohet ne KPP dhe min 14 prill max 22 prill kthen KPP pergjigje. Duhet ta rishpallim pernjehere qe ti djegim afatet e ankimimit ne gjykate”.

Në datën 18.03.2020, në orën 11:30, shtetsasja Belinda Balluku i dërgon shtetasit Evis Berberi mesazhet: “Po si ke lajmeruar te tjeret per anullim?
Mbylleni sot me urgjence”.
Në orën 11: 36, Evis Berberi: “Po gysin Sot e ke te mbaruar”…….
Në orën 17:09, Evis Berberi: “E mbyllem”.

Përgjimet Balluku-Berberi, reagon Belind Këlliçi: Nga sot nuk do e quajmë më Tuneli i “Llogarasë”, por i “k*rvës” ose i “Palloshit”

Deputeti i Partisë Demokratike, Belind Këlliçi, ka bërë një postim në rrjetin e tij social Facebook përmes të cilit ka reaguar lidhur me bisedat e zbardhura mes ministres Belinda Balluku dhe Evis Berberit.

Këlliçi ka publikuar postimin e kreut të PD-së, Sali Berisha, i cili publikoi më herët pjesë nga dosja hetimore e Belinda Ballukut, e cila është marrë e pandehur nga SPAK për aferën e tunelit të Llogarasë.

Berisha iu referua bisedës së Ballukut me kreun e ARRSH në atë kohë, Evis Berberi, ku ministrja quan një person “kurvë”.

Lidhur me këto biseda Këlliçi ironizon Ballukun, duke theksuar se për tunelin e Llogarasë lindi toponim i ri si i “k*rvës” apo i “palloshit”.

“Ja kështu rastësisht lindi dhe një mikrotoponim i ri! Nga sot “Tuneli i Llogarasë” mund fare thjeshtë të quhet “Tuneli i k*rvës” ose “Tuneli i Palloshit”!”, shkroi Këlliçi.