Hapet tuneli 4 te sheshi “Shqiponja”, Balluku: Lehtëson trafikun!

Lajmin e ka dhënë ministrja e Infrastrukturës dhe Energjisë, Belinda Balluku këtë të martë teksa ka inspektuar nga afër punimet në ish-Sheshin Shqiponja.

Gjatë vizitës Balluku tha se po punohet edhe për hapjen e tuneleve të tjera për të bërë të mundur qarkullimin e lirë. “Kemi bërë hapjen e tunelit të 4. Nga Tirana automjetet që dalin nga Tirana, pra që vijnë nga pallati me Shigjeta dhe nga ura e lidhjes me TEG-un kalojnë në tubin e 4 për të dalë në autostradën në drejtim me Durrësin. Këto nuk janë lëvizjet definitive që do të ketë projekti në përfundim të tij, pra në Dhjetor të 2021, kur projekti të përfundojë nuk do të jenë këto lëvizjet e tubave. Këto tunele po hapen paraprakisht për të pasur një shfryrje të trafikut. Trafiku e dimë që nuk ka qenë i lehtë për t’u menaxhuar. Gjejmë momentin për t’i kërkuar ndjesë qytetarëve për orët që kalojnë në këtë aks, por duhet kuptuar që është një kantier i madh. Shpresojmë që brenda 2 javësh të hapim tunelin e tretë i cili do të facilitojë drejtimin nga Durrësi në drejtim të Tiranës”, tha Balluku.