EMRI/ Kamioni përplas për vdekje 32-vjeçarin në Tiranë

10 muaj, 3 javë më parë - 5 Prill 2023, abcnews
EMRI/ Kamioni përplas për vdekje 32-vjeçarin në Tiranë
TIRANË- Një aksident rrugor me pasojë vdekjen e një 32-vjeçari është shënuar sot në Tiranë. Policia thekson se kamioni ka përplasur këmbësorin në rrugën “Kastriotët’ në kryeqytet. Grupi hetimor ka nisur hetimet për të zbardhur rrethanat e aksidentit tragjik.

ABC News mëson se viktimë e aksidentit ka mbetur Oligert Dika, i njohur si personazhi “Olsi Polici” në rrjetet sociale. Sipas të dhënave paraprake, raportohet se 32-vjeçari, u përplas nga kamioni gjatë kohës që po kalonte rrugën te vijat e bardha.

Njoftimi i Policisë: 

Më datë 04.04.2023, në rrugën “Kastriotët”, shtetasi K. F., duke drejtuar automjetin tip kamion, ka aksidentuar këmbësorin, shtetasin O. D., 32 vjeç, i cili si pasojë e aksidentit ka ndërruar jetë. Grupi hetimor po punon për sqarimin e rrethanave të aksidentit.

Makina përplaset me motorin, një i plagosur në Korçë

KORÇË- Një aksident rrugor është regjistruar në fshatin Bulgarec. Një automjet është përplasur me një motor, duke e lënë të plagosur drejtuesin e motorit.

Menjëherë pas ngjarjes, drejtuesi i automjetit e ka transportuar personalisht të lënduarin drejt spitalit të Korçës, ku ende nuk dihet gjendja e tij shëndetësore.

Support Ukraine