EMRAT/ Kolaudonin makinat kundrejt pagesës, prangosen inspektorët e SGS në Kukës

6 vjet, 9 muaj më parë - 29 Maj 2017, Gazeta Shqiptare
EMRAT/ Kolaudonin makinat kundrejt pagesës, prangosen inspektorët e SGS në Kukës
Policia e Kukësit ka arrestuar në flagrancë dy inspektorë teknik pranë “SGS Auto Albania”, Kukës.

Kështu, uniformat blu të Kukësit kanë bërë të ditur se kanë vënë në pranga, Ermal Islamajn, 32 vjeç, banues në Kukës, me detyrë inspektor teknik pranë "SGS Auto Albania Kukës", si dhe Bujar Syla, 44 vjeç, banues në Kukës, me detyrë inspektor teknik, pranë "SGS Auto Albania Kukës".

Arrestimi i këtyre shtetasve u bë pasi në kuadër të hetimit proaktiv një mujor, këta shtetas dyshohet se në kohë të ndryshme kalonin automjetet të llojeve të ndryshme në kolaudim, kundrejt pagesës, jashtë kushteve teknike.

Njoftimi i Policisë

Finalizohet me sukses nga Sektori për Hetimin e Krimit Ekonomik- Financiar, operacionin anti-korrupsion, i koduar " SGS-25".

Arrestohen në flagrancë dy inspektor teknik pranë "SGS Auto Albania Kukës".

Më datë 25.05.2017, specialistët e Sektorit për Hetimin e Krimit Ekonomik-Financiar në Drejtorinë Vendore të Policisë Kukës, në vijim të punës për goditjen dhe vënien para përgjegjësisë ligjore të personave që ushtrojnë veprimtari kriminale të korrupsionit, si dhe në kuadër të procedimit penal të nisur më parë, finalizuan me sukses operacionin e koduar "SGS-25".

Në kuadër të këtij operacioni, u bë arrestimi në flagrancë i shtetasve:

-Ermal Islamaj, 32 vjeç, banues në Kukës, me detyrë inspektor teknik pranë "SGS Auto Albania Kukës".

-Bujar Syla, 44 vjeç, banues në Kukës, me detyrë inspektor teknik, pranë "SGS Auto Albania Kukës".

Arrestimi i këtyre shtetasve u bë pasi në kuadër të hetimit proaktiv një mujor, këta shtetas dyshohet se në kohë të ndryshme kalonin automjetet të llojeve të ndryshme në kolaudim, kundrejtë pagesës, jashtë kushteve teknike.

Materialet do ti kalojnë Prokurorisë së Rrethit Gjyqësor Kukës, për veprime të mëtejshme, për veprat penale të "Shpërdorimi i detyrës" dhe "Korrupsioni pasiv i personave që ushtrojnë funksione publike", parashikuar nga nenet 248 dhe 259 të K.Penal.

Support Ukraine