Efektiv i forcës ajrore, kush ishte 41-vjeçari që humbi jetën në aksidentin në Kroaci

“I dhimbshëm lajmi i ndarjes nga jeta të Gazmir Korbit, në aksidentin e ndodhur në Kroaci. Ai nuk mundi të kthehej më mes kolegëve të tij në kompaninë e mbështetjes në Komandën e Forcës Ajrore pas lejes së zakonshme. Ngushëllime familjes për këtë humbje të madhe dhe të parakohshme”, shkruan Peleshi.

Kujtojmë se 9 pasagjerë, përfshi këtu dhe shoferin që drejtonte mjetin, janë plagosur dhe ndodhen në spital. Po ashtu ambasadori pohoi se një grua, Naile Bajraktari, ndodhet në gjendje të rëndë, në reanimacion, në spitalin e Ogulinit.

Më herët u identifikua shoferi i autobusit që ishte në timon në kohën kur ndodhi aksidenti, ndërsa bëhet fjalë për shtetasin Adem Rexha, si dhe dy pasagjerët Armand Shaba dhe Ylli Muça.

Aksidenti tragjik në Kroaci, mediat vendase: Viktima, një 41-vjeçar shqiptar

Të tjera detaje janë zbardhur nga mediat kroate lidhur me aksidentin tragjik në Kroaci ku u përfshi një autobus me targa shqiptare.

Sipas Jutarnji, si pasojë e përplasjes dhe më pas përmbysjes së autobusit ka humbur jetën një 41-vjeçar nga Shqipëria, pasagjer në autobus.

Sakaq, shtatë persona janë plagosur, mes tyre shoferi, i cili është lënduar rëndë dhe është transportuar në spitalin e Karllovacit.

Mediat kroate kanë publikuar pamje nga aksidenti i rëndë.