Dëmtimi i aksit Librazhd-Prrenjas, ARRSH: Rikthehet qarkullimi, do të kryhet përmes një devijimi provizor!

Autoriteti Rrugor Shqiptar, ka njoftuar se qarkullimi do të kryhet përmes një devijimi provizor, të ndërtuar ngjitur me pozicionin ekzistues të mëparshëm, deri në realizimin e plotë të rrugës alternative, tashmë të bërë publike, në shtratin e lumit Shkumbin dhe të integruar me trupin e hekurudhës.

Segmenti do të funksionojë me sinjalistikë kantieri dhe, përkohësisht, do të jetë i paasfaltuar deri në stabilizimin e shtresave, pas së cilës do të kryhet asfaltimi përfundimtar.

ARRSH bën thirrje që të gjithë përdoruesit e rrugës si dhe banorët e zonës të respektojnë sinjalistikën dhe udhëzimet e Policisë Rrugore, për të garantuar një qarkullim të sigurt për të gjithë.

Hapet rruga drejt juglindjes/ Nis qarkullimi i mjeteve në segmentin provizor Librazhd - Prrenjas

Hapet rruga drejt juglindjes. Ashtu siç u njoftua, në orën 12:00 të mesditës, ka nisur qarkullimi i mjeteve në segmentin provizor Librazhd - Prrenjas.

Segmenti do të funksionojë me sinjalistikë kantieri dhe përkohësisht do të jetë i paasfaltuar deri në stabilizimin e shtresave, pas së cilës do të kryhet asfaltimi përfundimtar.

ARRSH bën thirrje që të gjithë përdoruesit e rrugës si dhe banorët e zonës të respektojnë sinjalistikën dhe udhëzimet e Policisë Rrugore, për të garantuar një qarkullim të sigurt për të gjithë.

Zhbllokohet juglindja, hapet në mesditë Librazhd-Prrenjas/ Kryhen testet e fundit për të matur qëndrueshmërinë e rrugës provizore

Pas dhjetë ditësh bllokim, rajoni juglindor pritet t’i kthehet normalitetit në mesditë. Në rrugën provizore Librazhd-Prrenjas, autoritetet përkatëse aktualisht po kryejnë testet e fundit për të matur fortësinë e rrugës.

Testimi i modulit të deformimit po kryhet përmes pllakës së ngarkesës, e cila verifikon aftësinë e shtresave rrugore përpara hapjes së qarkullimit.

Gazetarja e ABC News, Kasandra Pali, raporton se krahas pajisjes për matjen e fortësisë, në aksin provizor po qarkullojnë kamionë të ngarkuar me një peshë rreth 40 tonë.

Sipas ARRSH, qarkullimi i automjeteve në këtë rrugë provizore do të nisë në orën 12:00.

Segmenti thotë ARRSH do të funksionojë me sinjalistikë kantieri dhe përkohësisht do të jetë i paasfaltuar deri në stabilizimin e shtresave, pas së cilës do të kryhet asfaltimi përfundimtar.