BMW 2017 Seria 2 dhe 3 vlerësohen me pikë maksimale nga IIHS
Instituti Amerikan për Siguri Rrugore ka bërë testimet e sigurisë për modelet e vitit 2017 të BMW Seria 2 dhe Seria 3.
Pas disa përmirësimeve në strukturën e trupit të veturës të bëra në Nëntor të vitit të kaluar, BMW 2017 Seria 2 dhe 3 janë vlerësuar me pikë maksimale sa i përket sigurisë nga Instituti Amerikan për Siguri Rrugore, transmeton Express. Pra për të dyja këto modele është dhënë vlerësimi Top Safety Pick+ nga IIHS (Insurance Institute for Highway Safety).
Ky institut ka vërejtur përmirësime të dukshme në sistemin opsional për parandalimin e aksidenteve si dhe ka vlerësuar sistemin e ndriçimit adaptiv nga kjo markë si sistemin më të mirë të ndriçimit.
