Berat/ Makina shpërthen në flakë pasi përplaset me shtyllën elektrike, humb jetën 28-vjeçari
Një 28-vjeçar ka humbur jetën për shkak të një aksidenti të ndodhur gjatë orëve të natës në Berat.
Mësohet se viktima është identifikuar si Kliti Merko, i cili duke drejtuar makinën ka humbur kontrollin dhe është përplasur me shtyllën e ndriçimit.
Makina pasi ka goditur shtyllën e ndriçimit ka rënë në kanal duke shpërthyer më pas në flakë, ndërsa drejtuesi i automjetit, ka mbetur brenda mjetit.
Ngjarja ka ndodhur në aksin rrugor Berat – Ura e Kuçit, në afërsi të fshatit Poshnje.
