Aksident i rëndë në aksin Strum-Roskovec/ Ndërron jetë drejtuesi i një motomjeti

Në aksident janë përfshirë 3 mjete, mes tyre edhe një motomjet.

Si pasojë e përplasjes ka ndërruar jetë drejtuesi i motomjetit.

Njoftimi i plotë i Policisë së Shtetit:

Në aksin rrugor “ Strum - Roskovec ”, automjeti me drejtues shtetasin F. D., është përplasur me automjetin me drejtues shtetasin B. C., dhe me motomjetin me drejtues shtetasin K. H., 33 vjeç, banues në Strum.

Si pasojë e përplasjes ka ndërruar jetë drejtuesi i motomjetit.

Grupi hetimor po punon për sqarimin e plotë të rrethanave dhe shkakut të aksidentit.

Trafik i rënduar në aksin Balldren-Milot/ Radhë kilometrike prej disa orësh

Aksi Balldren - Milot është përfshirë nga një gjendje trafiku tejet të rënduar. Mësohet se kjo situatë ka nisur që prej orës 16:00 dhe vijon të jetë i pranishëm edhe aktualisht.

Shkak për këtë është bërë fluksi i lartë i automjeteve që po qarkullojnë në këtë aks mbrëmjen e kësaj të diele.

Policia rrugore dhe ajo e rendit janë vendosur në disa pika kyçe për të ndihmuar në lehtësimin e lëvizjes dhe për të siguruar rregullimin e trafikut.

Frekuentimi i shtuar i zonave bregdetare gjatë kësaj fundjave, për shkak të motit të ngrohtë dhe diellit, konsiderohet si një nga arsyet kryesore të bllokimit të rrugës.

Ndërkohë që sezoni veror ka sjellë trafik tejet të rënduar në rrugët e Lezhës, trafik i cili po vijon edhe në ditët e para të nëntorit.