Punimet për zgjerimin e superstradës Tiranë-Durrës/ ARRSH publikon pamjet
Autoriteti Rrugor Shqiptar ka publikuar në një postim në rrjetet sociale, pamje nga punimet e superstradës Tiranë-Durrës, Faza III.
Sipas ARRSH-së, në kantier punohet intensivisht në disa fronte njëkohësisht. Bëhet me dij se po vijon ndërtimi i nyjes së re të Laknasit dhe i mbikalimit të ri të Kasharit
Gjithashtu po punohet për formimin e trupit të rrugës dhe realizimin e ndërhyrjeve të tjera të parashikuara në këtë fazë.
“Zgjerimi i superstradës Tiranë - Durrës është një nga projektet më të rëndësishme për infrastrukturën rrugore kombëtare, që synon:
Rritjen e kapacitetit të aksit Tiranë – Durrës
Përmirësimin e sigurisë rrugore
Lehtësimin e qarkullimit dhe reduktimin e problematikave në një prej akseve më të ngarkuara të vendit”, thuhet në postimin e ARRSH.
Lajmet përkatëse
