“Po të them lejen e qarkullimit,ti vazhdon”, policia pranga 33-vjeçarit në Tiranë

1 vit, 8 muaj më parë - 14 Korrik 2022, opinion
“Po të them lejen e qarkullimit,ti vazhdon”, policia pranga 33-vjeçarit në Tiranë
Policia Rrugore e Tiranës ka informuar se po vijon kontrollet në rrugët e kryeqytetit për rritjen e sigurisë.

Ndërsa bëhet e ditur se gjatë kontrolleve është vënë në pranga një shtetas i shpallur në kërkim ndërkombëtar.

Uniformat blu bëjnë me dije se kanë ndaluar në rrugën “Kastriotët” shtetasin A. F., 33 vjeç, i cili po përdorte celularin gjatë drejtimit të automjetit.

Gjatë verifikimeve ka rezultuar se ky shtetas ishte person i shpallur në kërkim ndërkombëtar, pasi Gjykata Themelore e Prishtinës i ka caktuar masën e sigurisë “Arrest në burg”, për veprat penale “Mashtrimi, kryer në bashkëpunim dhe “pjesëmarrje në grup kriminal me qëllim mashtrimin e pastrimin e parave”.

Në vijim të veprimeve u bë arrestimi i përkohshëm i drejtuesit të mjetit, shtetasit A. F.

Gjithashtu janë goditur edhe 3 raste të tjera të tentativës për mitëdhënie, nga drejtuesit e automjeteve, me qëllim shmangien e masës administrative për shkeljet e konstatuara.

Policia Rrugore bën me dije se ka ndaluar, në vende të ndryshme, automjetet me drejtues shtetasit K. G. dhe L. H., dhe E. G., të cilët, me qëllim shmangien e masave administrative për shkeljet e kryera, i kanë ofruar punonjësve të Policisë, shuma parash.

Support Ukraine