Ekipet e emergjencës janë në vendngjarje, ku disa njerëz mbeten të bllokuar.
Numri i përditësuar i viktimave vjen pasi një burim në Policinë e Sigurisë Publike tha se të paktën tre persona ishin vrarë kur ndodhi dalja nga shinat dhe kishte rreth dy duzina të plagosur - të paktën nëntë prej të cilëve ishin në gjendje të rëndë.
"Është një ditë tragjike për qytetin tonë. Është një ditë shumë e vështirë për të gjithë ne. Tani për tani të gjitha ekipet, bashkia e Lisbonës, shërbimet e emergjencës (INEM), mbrojtja civile, zjarrfikësit, të gjithë jemi në vendngjarje duke u përpjekur të ndihmojmë viktimat e këtij aksidenti tragjik, shumë të rëndë në qytetin e Lisbonës", tha kryebashkiaku i Lisbonës, Carlos Moedas të mërkurën në mbrëmje.
Trami Glória, i cili mund të mbajë deri në 42 persona, është një pikë referimi e Lisbonës dhe është shumë i popullarizuar në mesin e turistëve që vizitojnë qytetin.
Është më shumë se një shekull i vjetër, pasi u hap për herë të parë në vitin 1885, sipas faqes zyrtare të turizmit të Lisbonës.
Shkaku i daljes nga shinat mbetet i paqartë. Sipas CNN Portugal, Brigada e Vrasjeve e Policisë Gjyqësore është një nga ekipet që po heton.
