EMRI/ Drejtonte i dehur makinën, aksidentoi 3 persona. Arrestohet shqiptari në Itali
17 Gusht 2017 - Gazeta Shqiptare
Është publikuar nga mediat italiane emri i shqiptarit, i cili shkaktoi aksidentin e rëndë në Itali, ku mbetën të vdekur tre persona.
Shqiptari u identifikua si Alensio Serjani, lindur në Puglia. Ngjarja ndodhi në aksin mes daljes së Trani e Boccadoro, disa kilometër në veri të Barit.
Nga informacionet e para bëhet e ditur se makina më të cilët po udhëtonin viktimat, identiteti i të cilëve nuk bëhet i ditur, është përplasur nga një tjetër automjet, që drejtohej nga një shqiptar.
Pas përplasjes makina e tyre është përfshirë nga flakët, ku edhe pse u ndërhy për t'i shpëtuar, ata gjetën vdekjen. Në makinën që shkaktoi aksidentit udhëtonin dy shqiptarë, ndërsa pas testit të alkoolit, drejtuesi i mjetit rezultoi pozitiv.