Bordi i Transparencës ul çmimin e karburanteve, ja sa do shitet nafta dhe gazi

Ulen përsëri çmimet e karburanteve në vend. Bordi i Transparencës në mbledhjen e dytë pas ringritjes ka vendosur që të ulë me 6 lekë naftën.Nëtë gjitha pikat e tregtimit me pakicë një litër naftë do të shitet me 213 lekë nga 219 lekë që shitej aktualisht.

Po ashtu në mbledhjen e radhës bordi ka vendosur që të ulë edhe çmimin e benzinës me 2 lekë.Tashmë një litër vbenzinë do të tregtohet me 193 lekë nga 195 që ishte.

Çmimet e caktuara nga Bordi do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes duke ndjekur dhe zhvillimet në tregjet ndërkombëtare.

Operatorët kanë detyrimin për të zbatuar këtë vendim dhe në rast të shkeljeve të konstatuara nga subjekte të ndryshme parashikohen penalitete deri në pezullim të aktivitetit.

Ky vendim i bordit ka ardhur pas uljes së çmimit të naftës edhe në tregjet ndërkombëtare. Në bursa çmimet e naftës ranë në nivelin e tyre më të ulët në 12 ditë ndërsa një fuçi naftë po shitet me rreth 100 dollarë

Investitorët shpresojnë për përparim diplomatik në luftënmidis Shba-ve dhe Iranit për shkak të takimit që po mbahet në Kombet e Bashkuara këtë javë ndërsa presin një rimëkëmbje të pjesshme të dërgesave nga Arabia Saudite.