Aksident në Dardhë, makina bëhet "copë"/ Plagosen 2 persona

Në mjet dyshohet se kanë qenë 2 persona, një burrë e një grua, të cilët kanë marrë dëmtime.

Në gjendje më të rëndë shëndetësore dyshohet se është gruaja. Ambulanca dhe policia në vendin e ngjarjes, kanë nxjerrë personat e dëmtuar duke i transportuar drejt spitalit të Korçës.

"Më datë 23.05.2024, rreth orës 13:35, në aksin rrugor "Korçë-Dardhë", pranë pistës së skive, shtetasi Xh. K., duke drejtuar automjetin e tij, dyshohet se ka humbur kontrollin mbi drejtimin e tij dhe automjeti ka dalë nga rruga.

Për pasojë është dëmtuar shtetasja E. K., pasagjere në mjet, e cila u dërgua për mjekim në spitalin e Korçës.

Grupi hetimor po kryhen veprimet e mëtejshme procedurale dhe po punon për përcaktimin e shkaqeve të aksidentit", thuhet në njoftimin e policise.

Përmbyset kamioni në Qafë-Thanë

Përmbyset kamioni me targa të huaja në Qafë-Thanë. Mësohet se nga aksidenti nuk ka persona të lënduar.

Sipas informacioneve nga policia e Elbasanit, ka vetëm dëme materiale.

Ende nuk dihen shkaqet e këtij aksidenti.

Çiklistët përplasen në aksin Kuç-Qeparo, 2 prej tyre në gjendje të rëndë

Pasditen e së enjtes, disa çiklistë janë përplasur në aksin Kuç-Qeparo teksa garonin në edicionin e 81-të të turit çiklistik të Shqipërisë.

Raportohet se ka disa të lënduar, ndërsa dy janë në gjendje të rëndë.

Aksidenti ndodhi teksa çiklistët u përplasën teksa po kryenin etapën e katërt të këtij edicioni, etapë e cila përfshin itinerarin Vlorë-Himarë-Llogara.

Aktualisht, zhvillohet etapa e katërt. Ndërsa etapa e pestë dhe e fundit, e cila starton nesër në orën 10:00 nga Vlora për në Fier.