Motori zë poshtë fëmijën 2-vjeçar! I mituri niset me urgjencë drejt spitalit të Traumës në Tiranë
Një ngjarje e rëndë është regjistruar në lagjen 4 të qytetit të Korçës ku një fëmijë 2-vjeçar ka qenë duke luajtur në oborrin e shtëpisë, kur ka hipur në motorrin e parkuar dhe është rrëzuar në tokë ndërsa motori i ka rënë mbi trup.
Sipas informacioneve, i mituri ka marrë dëmtime të shumta dhe po niset drejt Tiranës. Motori i parkuar në oborr i përket babait të tij, që momentalisht ndodhet në burg.
Nëna e të miturit ka qenë brenda në shtëpi, ndërsa kanë qenë motrat e tij që e kanë parë të rrëzuar në tokë me motorrin sipër trupit. Policia po vijon punën për zbardhjen e plotë të ngjarjes.
